Форум, які трывала прапісаўся ў культурным жыцці краіны, сёння мае і высокі сусветны статус. З года ў год беларуская фестывальная сталіца прыцягвае да сябе ўсё больш шматлікіх і гучных імёнаў самых аўтарытэтных музыкантаў і калектываў планеты. Так, сёлета на афішы форуму - Дзяржаўны аркестр Расіі, міжнародны камерны аркестр Заходняй і Усходняй Еўропы, сусветна вядомы скрыпач Віктар Траццякоў, Санкт-Пецярбургскі “Церам-аркестр” і іншыя.