Прэзідэнт Беларусі Аляксандр Лукашэнка накіраваўся з рабочым візітам у Таджыкістан, дзе 15 верасня прыме ўдзел у сесіі Савета калектыўнай бяспекі АДКБ. У Душанбэ плануецца абмеркаваць больш за паўтара дзясяткі пытанняў. У прыватнасці, прыярытэтныя напрамкі ў перыяд старшынства ў Арганізацыі Арменіі. На разгляд кіраўнікоў дзяржаў вынесены праект Пагаднення аб супрацоўніцтве дзяржаў - членаў АДКБ у галіне перавозак воінскіх і іншых фарміраванняў. Затым Аляксандр Лукашэнка накіруецца з рабочым візітам у Расію, дзе прыме ўдзел у мерапрыемствах другога Форуму рэгіёнаў Беларусі і Расіі. Ён пройдзе 17-18 верасня ў Сочы. У цэнтры ўвагі ўдзельнікаў - пытанні аб'яднання фінансавага і маркетынгавага патэнцыялаў дзвюх дзяржаў, дыверсіфікацыі нацыянальных эканомік, стварэння новых вытворчасцей, развіцця чалавечага капіталу.