Беларусь зацікаўлена працаваць з аўтакластарам Ленінградскай вобласці. Пра гэта заявіў першы віцэ-прэм'ер Беларусі Уладзімір Сямашка на пасяджэнні сумеснай камісіі па развіцці супрацоўніцтва Беларусі з гэтым расійскім рэгіёнам. Ленінградская вобласць становіцца прамысловым кластарам, дзе вядзецца зборка аўтамабілей, і Беларусь зацікаўлена ў такіх сумесных праектах. Расійскім партнёрам беларускія вытворцы гатовыя прапанаваць аўтакампаненты для зборачных вытворчасцей.