Прэзідэнт Беларусі Аляксандр Лукашэнка падзякаваў старшыні Кітайскай Народнай Рэспублікі Сі Цзіньпіну за кітайскія інвестыцыі і крэдыты, прадастаўленыя для рэалізацыі інфраструктурных праектаў. За кошт гэтых сродкаў у Беларусі будуюцца дарогі, рэалізуецца шэраг іншых праектаў. Кіраўнік дзяржавы падкрэсліў, што нядаўні візіт кітайскага лідэра ў Беларусь стаў гістарычным і прарыўным. Ужо нямала зроблена па будаўніцтве Кітайска-беларускага індустрыяльнага парку “Вялікі камень”. На думку Аляксандра Лукашэнкі, гэта будзе ўнікальны праект.
       Нагадаем, Прэзідэнт Беларусі знаходзіцца ў Кітаі з рабочым візітам. Ён прыме ўдзел ва ўрачыстасцях, прысвечаных 70-годдзю Перамогі ў Другой сусветнай вайне.