У нацыянальным парку праходзіць чатырохбаковая сустрэча прадстаўнікоў Дзяржаўнай інспекцыі аховы жывёльнага і расліннага свету пры Прэзідэнце Рэспублікі Беларусь з калегамі з Латвіі, Літвы і Эстоніі. Мэта мерапрыемства - абмеркаваць пытанні прыродаахоўнай дзейнасці, у тым ліку трансгранічнага ўзаемадзеяння. Як паведамілі ў Дзяржінспекцыі, ведамства актыўна супрацоўнічае з аналагічнымі структурамі іншых краін. Партнёрскія адносіны даюць магчымасць своечасова выяўляць і вырашаць узнікаючыя трансгранічныя праблемы.