Магчымасці Беларускага аўтамабільнага завода могуць быць выкарыстаны падчас пабудовы эканамічнага калідора паміж Пакістанам і Кітаем. Пра гэта заявіў міністр інфармацыі, тэлерадыёвяшчання і нацыянальнай спадчыны Пакістана Перваіз Рашыд, які наведаў прадпрыемства разам з прэм’ер-міністрам Навазам Шарыфам. Паводле яго слоў, гаворка пра ўдзел БелАЗа ў такіх праектах, як будаўніцтва аўтабанаў і камунікацый. Дадам, што на прадпрыемстве ўжо прымалі дэлегацыі з гэтай краіны, і ўпэўненыя, што ў Беларусі вялікія перспектывы супрацоўніцтва з Пакістанам.