Як паведаміў мастацкі кіраўнік форуму, беларускі піяніст Расціслаў Крымер, маштабы праекта ўражваюць. Каля ста артыстаў з розных куткоў свету адначасова збяруцца для таго, каб адсвяткаваць юбілей фестывалю захапляльным сумесным выступленнем падчас оперы Чайкоўскага “Яўген Анегін” у аўтарскай версіі Юрыя Башмета. Лепшыя рэжысёры, гукарэжысёры, мастакі спецыяльна запрошаны з Масквы, каб забяспечыць якасць і відовішчнасць мерапрыемства.