Усю інфармацыю аб прэзідэнцкай гонцы з гэтага часу будуць размяшчаць на адным інфармацыйным рэсурсе - vybory2015.by. Ужо цяпер на гэтым партале можна знайсці звесткі пра ўсіх кандыдатаў у прэзідэнты, а таксама аб іх ініцыятыўных групах. Галоўнае адрозненне гэтага рэсурсу ад сайта Цэнтральнай выбарчай камісіі ў тым, што тут будуць публікаваць не афіцыйныя пратаколы, а тую інфармацыю, якая цікавая менавіта для выбаршчыкаў. І адбывацца гэта будзе максімальна аператыўна. Тут жа можна прачытаць і ўсе звязаныя з ходам перадвыбарнай кампаніі навіны, а таксама адказы на звароты грамадзян.