Прадстаўнікі арганізацый беларускай дыяспары з 18 краін падтрымліваюць прапанову аб правядзенні ў Мінску ў 2016 годзе Дзелавога форуму беларусаў замежжа. Пра гэта гаворыцца ў сумеснай дэкларацыі ўдзельнікаў першага пасяджэння Кансультатыўнага савета пры МЗС Беларусі па справах беларусаў замежжа.

Прадстаўнікі дыяспары віталі прыняцце ў 2014 годзе закона аб беларусах замежжа і выказалі зацікаўленасць у прадаўжэнні работы па стварэнні беларускіх культурных цэнтраў за мяжой, а таксама адзінага інфармацыйнага партала, прысвечанага жыццю беларусаў замежжа.