Беларускую дзяржаўную філармонію з 75-годдзем павіншуюць вядучыя калектывы і лепшыя беларускія музыкі, якія выступаюць у краіне і далёка за яе межамі. Так, на сцэне Вялікай залы прагучаць шэдэўры айчыннай і заходнееўрапейскай класікі. У канцэрце прымуць удзел Дзяржаўны акадэмічны сімфанічны аркестр Беларусі і Дзяржаўная акадэмічная харавая капэла Беларусі імя Шырмы. Адна з частак мерапрыемства задумана як святочны калейдаскоп: з аднаго боку – стылей, эпох, напрамкаў, з другога боку - талентаў.