Традыцыйнае паломніцтва ў Будслаў стартавала з Мінска. Амаль 300 пілігрымаў пешшу пераадолеюць каля 160 кіламетраў, каб прыйсці ў мястэчка Мінскай вобласці, дзе захоўваецца адзін з самых вядомых і шанаваных абразоў - Будслаўскі абраз Божай Маці.

У гэтыя дні ў Будслаў сцякаюцца тысячы чалавек - не толькі з Беларусі, але і іншых краін - пешшу, на  веласіпедах, аўтамабілях. Галоўныя ўрачыстасці ў гонар Будслаўскай іконы пройдуць 3 і 4 ліпеня.