Беларусь зацікаўлена ў развіцці адносін з Мексікай, заявіў прэс-сакратар МЗС Дзмітрый Мірончык. Ён паведаміў, што ў гэтыя дні праходзіць візіт начальніка ўпраўлення Амерыкі беларускага знешнепалітычнага ведамства Алега Краўчанкі ў Мехіка. За апошнія сем гадоў тавараабарот паміж дзвюма краінамі вырас у два разы. Аднак Беларусь хацела б павялічыць гэты паказчык.

Нагадаем, у маі адбыўся візіт у Беларусь члена Палаты дэпутатаў Генеральнага кангрэса Мексіканскіх Злучаных Штатаў, старшыні групы дружбы "Мексіка - Беларусь" Магдалены дэль Сокара Нуньес Манрэаль.