Адносіны Беларусі і Туркменістана добра развіваюцца ў сферы інвестыцый і адукацыі. Такая заява прагучала на сустрэчы спікера верхняй палаты парламента Міхаіла Мясніковіча з паслом Туркменістана Назаргулы Шагулыевым.

Абмяркоўвалася будаўніцтва Гарлыкскага горна-абагачальнага камбіната па выпуску калійных угнаенняў. А таксама – удасканаленне сістэмы падрыхтоўкі кадраў. Зараз у Беларусі навучаюцца больш як 9 тысяч грамадзян Туркменістана, гэта палова ўсіх замежных студэнтаў.