Беларусі не пагражае распаўсюджванне каронавіруса MERS. З такой заявай выступіў галоўны санітарны ўрач Ігар Гаеўскі.

Нагадаю, пацыент з падазрэннем на небяспечны вірус ўжо выяўлены ў Празе. Самае вялікае распаўсюджванне хвароба атрымала ў Паўднёвай Карэі. Там яе ахвярамі сталі 20 чалавек. Эпідэміялагічныя мерапрыемствы, якія сёння праводзяцца ў Беларусі, дазваляюць не дапусціць завозу ў краіну інфекцый і вірусаў такога кшталту.