Беларусь гатова аднаўляць паўнацэнны дыялог з Еўрасаюзам на аснове раўнапраўя і ўзаемапавагі. Так было адзначана на сустрэчы прэм'ер-міністра Андрэя Кабякова з паслом Германіі ў нашай краіне Вольфрамам Маасам.

Кіраўнік беларускага урада дадаў: “не мова санкцый, а адкрыты дыялог дапаможа знайсці аптымальнае рашэнне па тых праблемных пытаннях, якія ёсць у нашых адносінах”. Ён падкрэсліў, што Беларусь адыгрывае важную ролю донара стабільнасці ў рэгіёне. І выказаў спадзяванне, што гэта роля дасць магчымасць нашым партнёрам па-новаму паглядзець на развіццё сітуацыі ўнутры краіны.