Міжнароднае свята "Славянскія літаратурныя дажынкі-2012" пройдзе днямі ў Гомелі. Удзел у мерапрыемстве прымуць маладыя і ўжо вядомыя аўтары з Гомельскай вобласці, а таксама прадстаўнікі літаратурных саюзаў Масквы, Бранскай, Курскай, Чарнігаўскай і Сумскай абласцей. У праграме літаратурнага свята - круглы стол па праблемах сучаснай літаратуры, прэзентацыі кніг пісьменнікаў Беларусі, Расіі, Украіны, творчыя сустрэчы і майстар-класы, выстава выданняў Якуба Коласа.