Беларускія школьнікі заваявалі пяць узнагарод на міжнародным навукова-інжынерным конкурсе Intel International Science and Engineering Fair-2015 у ЗША. У прэстыжным спаборніцтве прынялі ўдзел больш за паўтары тысячы вучняў з 75 краін. Беларусь прадставілі чатыры хлопцы, тры з іх вярнуліся дадому з узнагародамі. Напрыклад, за работу "Новы тып крыла" Віктар Беляўцоў атрымаў дыплом навуковага журы конкурсу і два спецыяльныя прызы.