У гонар 70-годдзя Вялікай Перамогі ў Нацыянальным мастацкім музеі адкрываецца выстава "Мастакі Перамогі". Яна аб'яднала палотны розных жанраў і аўтараў. Сярод іх як удзельнікі і сведкі Вялікай Айчыннай: Савіцкі, Шчамялёў, Данцыг, - так і прадстаўнікі маладога пакалення мастакоў. Акцэнт выставы - галерэя партрэтаў легендарных герояў вайны: бацька Мінай, дзед Талаш, Мікалай Гастэла, Алена Мазанік і Канстанцін Заслонаў. Яны ўвасоблены ў жывапісе, графіцы і скульптуры.