Беларусь і Еўразійскі банк развіцця дамовіліся прадоўжыць падрыхтоўку праграмы макраэканамічнай стабілізацыі і структурных рэформ, якая магла б быць падтрымана новым фінансавым крэдытам Антыкрызіснага фонду ЕўрАзЭС, - паведамляе БЕЛТА. Банк у цэлым вітае меры новай эканамічнай каманды Беларусі, накіраваныя на ўзмацненне грашова-крэдытнай палітыкі праз рост працэнтных ставак і пераход да больш гібкага рэжыму абменнага курса ў адказ на пагаршэнне знешняй кан'юнктуры. Такая палітыка дапамагла стабілізаваць сітуацыю на валютным рынку.