Мінскі міжнародны кінафестываль "Лістапад" стане лагічным працягам папулярызацыі кінамастацтва ў Беларусі. Сёлета для яго асвятлення акрэдытавана каля двухсот журналістаў з беларускіх і замежных сродкаў масавай інфармацыі. Форум пачнецца з чырвонай дарожкі, на якую перад паказам драмы "У тумане" рэжысёра Сяргея Лазніцы выйдуць зорныя госці. Сёлетні фестываль не абмяжуецца паказамі карцін, ён прапануе ўвазе кінаманаў шэраг пазаконкурсных праграм, рэтраспектыў і творчых сустрэч.