У парадак дня пасяджэння Савета кіраўнікоў урадаў СНД, якое адбудзецца ў Астане 29 мая, уключана 20 пытанняў. Пра гэта паведаміў старшыня Выканаўчага камітэта - выканаўчы сакратар СНД Сяргей Лебедзеў. Па яго словах, гэта пытанні, якія вызначаюць далейшае эканамічнае ўзаемадзеянне нашых краін. На першым месцы - план сумесных дзеянняў дзяржаў-удзельніц СНД па актуальных пытаннях фінансава-эканамічнай сітуацыі. Таксама Сяргей Лебедзеў паведаміў, што прэзідэнтам краін СНД накіраваны запрашэнні для ўдзелу ў мерапрыемствах да 70-годдзя Вялікай Перамогі.