Музыку Баха ў выкананні прафесіяналаў пачуюць мінчане ў бліжэйшую суботу ў пераходах метро. Як расказаў БЕЛТА член Асацыяцыі маладых беларускіх кампазітараў Віталь Дарашук, такім незвычайным спосабам маладыя выканаўцы адзначаць 330-годдзе з дня нараджэння Іагана Себасцьяна Баха. Дарэчы, расстаноўку музычных інструментаў у метро падбіралі, улічваючы акустыку. Напрыклад, там, дзе ў падземным пераходзе вялікі паток пешаходаў і шумна, будуць іграць на ўдарных, а на меньш ажыўленых станцыях - на "ціхіх" інструментах.