Дзяржаўны сакратар Ватыкана кардынал П'етра Паралін лічыць вельмі важнай ролю Беларусі ў вырашэнні канфлікту ва Украіне, - паведамілі ў Рымска-каталіцкай царкве. Гаворка ідзе, перш за ўсё, пра мінскія перамовы і пагадненні. Па словах іерарха, "Святы Прастол вельмі хоча вырашэння гэтага крызісу, і Беларусь адыгрывае ў гэтай справе значную ролю". Нагадаем, візіт П'етра Параліна ў Беларусь прадоўжыцца да 15 сакавіка.