Мінскія дамоўленасці па лініі судакранання на ўсходзе Украіны ў цэлым выконваюцца. Пра гэта паведаміў прадстаўнік штаба сілавой аперацыі Андрэй Лысенка. Як ён удакладніў, украінскія вайскоўцы завяршылі чарговы этап адводу артылерыі ад лініі баявога сутыкнення. Гаворка ідзе пра сістэмы залпавага агню “Ураган”. Прадстаўнік Мінабароны самаабвешчанай Данецкай народнай рэспублікі Эдуард Басурын раней таксама паведаміў, што апалчэнцы цалкам завяршылі адвод цяжкіх узбраенняў.