Выстава "Марк Шагал: жыццё і любоў" з калекцыі Музея Ізраіля (Ерусалім) будзе экспанавацца ў Нацыянальным мастацкім музеі Беларусі. Яна прымеркавана да 125-годдзя з дня нараджэння геніяльнага жывапісца, якое сёлета шырока адзначаецца ва ўсім свеце. Мінчане і госці сталіцы змогуць убачыць творы Шагала, якія да гэтага часу дэманстраваліся толькі ў Музеі Ізраіля і на часовых выставах за мяжой. Экспазіцыя ўключае ў сябе малюнкі і друкаваную графіку 1910-1960-х гадоў - пейзажы, партрэты, нацюрморты, жанравыя кампазіцыі, а таксама ілюстрацыі да кніг.