Беларусь бачыць перспектыву ў Еўразійскім эканамічным саюзе і не збіраецца з яго выходзіць. Пра гэта заявіў Прэзідэнт Беларусі Аляксандр Лукашэнка ў бліц-інтэрв'ю тэлеканалу "Расія 1". Кіраўнік дзяржавы абвергнуў пустыя размовы аб тым, што Беларусь, маўляў, хоча выйсці з гэтага дагавора. Прэзідэнт падкрэсліў, што дагавор нам вельмі выгадны. Беларусь бачыць у гэтым перспектывы. Што да адносін з заходнімі краінамі, Аляксандр Лукашэнка не спадзяецца на наладжванне адносін Беларусі з Захадам у выніку праведзеных у Мінску перагавораў на вышэйшым узроўні ў "нармандскім фармаце".