У Мінску на пляцоўцы Беларускага дзяржаўнага эканамічнага ўніверсітэта адкрыўся першы ў краіне цэнтр лацінаамерыканскіх даследаванняў. Тут беларускія студэнты будуць вывучаць праблемы лацінаамерыканскага рэгіёна і праводзіць навуковыя даследаванні. Вялізны рынак Лацінскай Амерыкі адкрывае новыя магчымасці для супрацоўніцтва. Беларусь падтрымлівае дыпламатычныя адносіны больш як з 30 краінамі рэгіёна. Тавараабарот з імі летась склаў каля мільярда долараў.