Званне "Культурная сталіца Беларусі - 2015" афіцыйна перайшло да Брэста. У розныя гады ганаровага тытула ўдастойваліся Полацк, Гомель, Нясвіж, Магілёў.

Сімвалічна, што менавіта Брэст прыняў гэту эстафету ў год 70-годдзя Перамогі над фашызмам. Подзвіг абаронцаў Брэсцкай крэпасці ўпісаны ў гісторыю Вялікай Айчыннай вайны. Таму адным з галоўных мерапрыемстваў акцыі будзе святкаванне 50-годдзя прысваення звання "крэпасць-герой". У цэлым жа ў горадзе на 2015-ы запланавана правядзенне не менш як 150 арыгінальных рэспубліканскіх і рэгіянальных творчых праектаў, акцый і форумаў.