Танцы ў касцюмах 18-19 стагоддзяў, гульні і фанты - калядны баль прайшоў у Гомелі. У паклоннай зале Палаца Румянцавых-Паскевічаў сабраліся школьнікі з усяго рэгіёна. Уборы і аксесуары, вееры і пальчаткі для ўрачыстасці яны рабілі самі. Каб максімальна дакладна перадаць дух часу, прачыталі мноства літаратуры, а падчас трохдзённага збору ўдзельнікі балю займаліся харэаграфіяй: вывучылі вальс, паланез, падэграс, контрданс.