Беларусь і Турцыя маюць намер выпрацаваць доўгатэрміновую стратэгію ўзаемадзеяння сваіх кампаній, паведамляе БЕЛТА. Міністр замежных спраў Беларусі Уладзімір Макей адправіўся з рабочым візітам у Стамбул. Ён правёў кансультацыі з кіраўніцтвам і ўладальнікамі буйных турэцкіх холдынгаў і кампаній аб выпрацоўцы доўгатэрміновых стратэгій узаемадзеяння з беларускімі прадпрыемставамі-экспарцёрамі. Акцэнт быў зроблены на пастаўках прадукцыі нафтахімічнай, машынабудаўнічай, дрэваапрацоўчай і харчовай галін Беларусі. Уладзімір Макей абмеркаваў ход рэалізацыі сумесных праектаў і перспектывы паглыблення двухбаковага супрацоўніцтва ў галіне гандлю, інвестыцый і прамысловай кааперацыі.