Традыцыйнае мастацтва маляваных дываноў Віцебскага Паазер'я ўнесена ў Дзяржаўны спіс гісторыка-культурных каштоўнасцей Беларусі. Абавязковы кампанент дывановых пейзажаў захаду Віцебскай вобласці - водная стыхія, што звязана з асаблівасцямі прыроднага ландшафту. На дыванах шмат расліннай арнаментыкі, малюнкаў помнікаў Віцебшчыны. Дывановы вобраз ці сюжэт таксама можа быць запазычаны з класічнага мастацтва. Традыцыі маляванага дывана склаліся ў 1920-я гады і развіваліся да 60-х гадоў мінулага стагоддзя. У гэты час "маляванкi" сталі абавязковай дэталлю вясковых інтэр'ераў.