Беларусь і Ірландыя абмяркавалі ўмацаванне двухбаковага гандлёва-эканамічнага і інвестыцыйнага супрацоўніцтва. Гэтыя тэмы былі ў цэнтры ўвагі падчас рабочай паездкі пасла Беларусі ў Вялікабрытаніі і Ірландыі (па сумяшчальніцтве) Сяргея Алейніка ў Дублін. У прыватнасці, адбыліся перамовы з палітычным дырэктарам МЗС Ірландыі Бары Робінсанам, генеральным дырэктарам упраўлення па справах ЕС Офіса прэм'ер-міністра Ірландыі Лорканам Фуламам. Бакі таксама звфярнулі ўвагу на палітычныя і гуманітарныя стасункі, узаемадзеяння па лініі Беларусь - ЕС, а таксама сітуацыю ў рэгіёне.