Першы ў Беларусі помнік знакамітаму паэту Максіму Танку адкрыюць у Мядзелі. Бронзавая фігура ў поўны рост будзе ўсталявана на гранітным пастаменце вышынёй адзін метр. Недалёка ад яе размесціцца валун у выглядзе разгорнутай кнігі, дзе будуць выбіты радкі з верша паэта: “Ёсць Адна песня песняў - пра Радзіму”. Помнік збудаваны па праекце скульптараў Івана Міско і Аляксандра Фінскага і архітэктара Армена Сардарава.