Беларусь і Еўрапейскі саюз плануюць правесці трэці раўнд перагавораў аб заключэнні пагадненняў аб спрашчэнні візавых фармальнасцей і аб рэадмісіі ў Мінску ў пачатку 2015 года. Аб гэтым паведамляе МЗС Беларусі. Нагадаем, другі раўнд перагавораў адбыўся 24 і 25 лістапада ў Бруселі. З беларускага боку ў ім прынялі ўдзел прадстаўнікі галоўнага консульскага ўпраўлення МЗС і дэпартамента па грамадзянстве і міграцыі МУС, з боку ЕС - прадстаўнікі гендырэктарата па ўнутраных справах Еўракамісіі.