Прадстаўніца Беларусі Марына Аляксейчык перамагла на конкурсе прыгажосці для замужніх жанчын "Місіс Сусвет-2014", фінал якога праходзіў у ЗША ў амерыканскім штаце Мэрыленд, перадае БЕЛТА. Другое месца заняла канкурсантка ад ПАР, а трэцяе - прадстаўніца Перу. Конкурс працягваўся 8 дзён, у ім прынялі ўдзел прадстаўніцы з 35 краін. У фінале канкурсанткі павінны былі прадставіць нацыянальны касцюм або мастацкі убор, які падкрэсліваў бы іх нацыянальную прыналежнасць.