Міжнародны фестываль тэатраў-батлеек плануюць правесці ў адноўленай сядзібе Міхаіла Клеафаса Агінскага Залессе ў Смаргонскім раёне, перадае БЕЛТА.

Фестываль вырашана правесці ў Залессі ў сакавіку 2015-га з нагоды 250-годдзя знакамітага грамадскага і культурнага дзеяча, кампазітара Міхаіла Клеафаса Агінскага, а таксама прымеркаваць да Міжнароднага дня лялечных тэатраў. На яго запросяць тэатральныя калектывы з Беларусі, Польшчы і Літвы.