Бюджэт на 2015 год плануецца сфарміраваць з прафіцытам. Пра гэта заявіў намеснік міністра фінансаў Беларусі Максім Ермаловіч.

Ён адзначыў, што прынята рашэнне даходы, атрыманыя ад залічэння пошлін на нафтапрадукты з расійскай сыравіны, накіроўваць на пагашэнне знешніх дзяржаўных абавязацельстваў. Прагназуемыя аб'ёмы пошлін, якія паступяць у беларускі бюджэт у 2015 годзе, будуць накіроўвацца выключна на пагашэнне дзярждоўгу.