Іракскі Курдыстан выказаў зацікаўленасць у выкарыстанні беларускага вопыту для развіцця сельскай гаспадаркі. Міністр замежных спраў Беларусі Уладзімір Макей сустрэўся з міністрам сельскай гаспадаркі і водных рэсурсаў рэгіянальнага ўрада іракскага Курдыстана Абдул-Сатаром Маджыдам. Бакі абмеркавалі канкрэтныя напрамкі актывізацыі супрацоўніцтва паміж Беларуссю і аўтаноміяй Курдыстан, а таксама шляхі павелічэння ўзаемнага тавараабароту.