У беларускіх здраўніцах у студзені-жніўні бягучага года адпачылі і падлячыліся амаль 160 тыс. замежных грамадзян з блізкага і далёкага замежжа, што на 2,5 тыс. чалавек больш у параўнанні з аналагічным перыядам мінулага года. Пры гэтым геаграфія экспарту беларускага санаторна-курортнага лячэння і аздараўлення пашыраецца, паведамляе БЕЛТА. У беларускія здраўніцы едуць на лячэнне з усіх еўрапейскіх дзяржаў, а таксама з Ізраіля і іншых краін. Пры гэтым традыцыйна большасць замежных грамадзян, якія адпачываюць у Беларусі, - расіяне.