Банк развіцця Беларусі і Банк знешняга гандлю Лаоса падпісалі пагадненне аб умовах выдачы экспартных крэдытаў. Іх накіруюць на фінансаванне куплі беларускіх тавараў і паслуг, якія набудзе Лаос. Умовы такога крэдытавання будуць стымуляваць рост экспарту ў Лаос. Падобныя пагадненні беларускім Банкам развіцця падпісаны з В'етнамам, Манголіяй, Кітаем, Расіяй і з Банкам гандлю і развіцця Усходняй і Паўднёвай Афрыкі. Паводле слоў экспертаў супрацоўніцтва Беларусі з Лаосам разглядаецца як доўгатэрміновае і ўзаемавыгаднае.