У Нацыянальнай бібліятэцы Беларусі адбылася прэзентацыя перавыдадзенага Тураўскага Евангелля XI стагоддзя – самага старажытнага кніжнага помніка Беларусі і аднаго з найстаражытнейшых ва Усходняй Еўропе. Сімвалічна, што мерапрыемства прайшло напярэдадні Дня беларускага пісьменства і Дня ведаў. Факсіміле ўнікальнага помніка, выдадзеныя з выкарыстаннем найноўшых тэхналогій, плануецца перадаць айчынным і замежным установам навукі, культуры і адукацыі.