Мінулыя парламенцкія выбары былі найменш канфліктнымі ў гісторыі суверэннай Беларусі. Пра гэта заявіла старшыня Цэнтрвыбаркама Лідзія Ярмошына. У цэлым, на яе думку, новаўвядзенні на цяперашніх парламенцкіх выбарах, напрыклад, правядзенне дэбатаў, бюджэтныя ўліванні, сябе апраўдалі, хоць былі і збоі. Гаворачы аб тым, наколькі аб'ектыўныя і незалежныя ацэнкі назіральнікаў па выніках выбараў, Лідзія Ярмошына адзначыла, што яны залежаць ад тых задач, якія ставяцца перад місіяй. Пэўным крокам насустрач з боку місіі АБСЕ яна назвала прызнанне выбараў якія адпавядаюць нацыянальнаму заканадаўству.