Святкаванні праходзяць ва ўсіх гарадах Беларусі. У Брэсце цэнтр урачыстасцей -  мемарыяльны комплекс "Брэсцкая крэпасць - герой". У праграме сталіцы паўночнага рэгіёну - "Віцебскі вернісаж": выстава работ народных майстроў і мастакоў, канцэрт "Славім тваё імя, Беларусь" і народныя гулянні. У Гродне да Дня Незалежнасці адкрыты участак гарадской дарогі. Падтрымліваць святочны настрой у абласным цэнтры будуць спартыўныя і канцэртныя пляцоўкі. У Гомелі выступяць аквабайкеры, пройдзе ваенна-патрыятычная эстафета "Я памятаю, я ганаруся". У Магілёве святочныя мерапрыемствы адбудуцца на Буйніцкім полі.