У Міністэрстве замежных спраў Беларусі лічуць суверэнным правам Украіны рашэнне аб падпісанні эканамічнай часткі пагаднення аб асацыяцыі з ЕС. Аб гэтым заявіў кіраўнік упраўлення інфармацыі – прэс-сакратар МЗС Дзмітрый Мірончык. Прэс-сакратар знешнепалітычнага ведамства таксама спаслаўся на нядаўнюю заяву члена Савета Еўразійскай эканамічнай камісіі ад Беларусі Сяргея Румаса аб тым, што беларускі бок будзе ўважліва весці маніторынг змен умоў знешняга гандлю, якія можа пацягнуць за сабой падпісанне дадзенага пагаднення.