Ветэранскі баль прайшоў у Мінску напярэдадні святкавання 70-й гадавіны вызвалення Беларусі ад нямецка-фашысцкіх захопнікаў, перадае БЕЛТА. На ўрачыстае мерапрыемства запрасілі 500 ветэранаў Вялікай Айчыннай, у тым ліку, на балі пабывалі і госці з Масквы, якія прымалі ўдзел у 1944 годзе ў вызваленні Беларусі ад нямецка-фашысцкіх захопнікаў. Усім удзельнікам мерапрыемства ўручылі падзячныя лісты кіраўніка дзяржавы да 70-годдзя вызвалення Беларусі. Музычнае свята ветэранам падарылі зоркі беларускай эстрады і танцавальныя калектывы краіны.