У Гродне ініцыіруюць стварэнне музея фестывалю нацыянальных культур. Гэты праект прапануецца ўключыць у гарадскую праграму "Спадчына". Рэспубліканскі фестываль з 20-гадовай гісторыяй стаў родапачынальнікам многіх творчых традыцый, праводзяцца выстаўкі, форумы, прысвечаныя яго тэме. На думку дэпутатаў Гродзенскага гарадскога савета, фестываль заслугоўвае, каб пра яго ведалі турысты.Таксама ў праграму"Спадчына" прапануецца ўключыць праекты па адкрыцці ў горадзе яшчэ трох музеяў - прысвечаных стваральніку міжнароднай штучнай мовы эсперанта Людвіку Заменгофу, пісьменніку Васілю Быкаву, а таксама гісторыі гродзенскай мэрыі.