Аб гэтым заявіла сёння журналістам старшыня Цэнтрвыбаркама Лідзія Ярмошына.
“Вынікі выбараў з’яўляюцца толькі папярэднімі, бо пасяджэнні акруговых выбарчых камісій, якія падвядуць вынікі по кожнай выбарчай акрузе, пройдуць толькі сёння. У ЦВК дакументы паступяць у сераду, і я спадзяюся, што да канца тыдня мы зможам падвесці вынікі выбараў дэпутатаў Палаты прадстаўнікоў”, - праінфармавала кіраўнік ЦВК.
      Паводле слоў Лідзіі Ярмошынай, выбары адбыліся на ўсёй тэрыторыі Беларусі. У іх прынялі ўдзел больш як 70 працэнтаў выбаршчыкаў. Выбрана 109 дэпутатаў. Па выбарчай акрузе Гомельская-Навабеліцкая выбары не адбыліся, бо адзіны кандыдат не набраў неабходнай колькасці галасоў.
Кіраўнік ЦВК таксама расказала, што за перыяд галасавання ў ЦВК паступіла 110 скаргаў. З іх 11 не звязаны з выбарамі. Астатнія былі пададзены па працэсу галасавання. “У асноўным гэта скаргі наглядальнікаў. Сёння за ноч у ЦВК па электроннай пошце прыйшло яшэ 20 скаргаў. Аднак, думаю, гэта не мяжа, і, зразумела, гэты тыдзень у нас будзе эвалюцыйны, і мы будзем разглядаць скаргі і звароты”, - сказала Лідзія Ярмошына.
      “У цэлым выбарчую кампанію можна ахарактарызаваць як спакойную, малаканфліктную і даволі паспяховую. І, зразумела, рэзультатыўную”, - дадала кіраўнік ЦВК.