Дэлегацыя экспертаў групы дзяржаў па барацьбе з карупцыяй Савета Еўропы наведвае Беларусь з рабочым візітам

Фота: belta.by

Дэлегацыя экспертаў групы дзяржаў па барацьбе з карупцыяй Савета Еўропы (ГРЭКА) наведвае Беларусь з рабочым візітам. Эксперты прыбылі для ацэнкі адпаведнасці краіны антыкарупцыйным стандартам Савета Еўропы. У праграме -- сустрэчы з дэпутатамі Нацыянальнага сходу, работнікамі Канстытуцыйнага і Вярхоўнага судоў, Генпракуратуры, міністэрстваў юстыцыі і замежных спраў, устаноў адукацыі. Ацэньваюцца празрыстасць заканадаўчага працэсу, стан карупцыі сярод парламентарыяў, суддзяў, пракуратуры.