Фота: belta.by
Падрыхтоўка да будаўніцтва ў Мінску нацыянальнага футбольнага стадыёна і басейна міжнароднага стандарту абмеркавана на сустрэчы ў Прэзідэнта. Гэтыя аб'екты плануецца ўзвесці за кошт бязвыплатнай тэхніка-эканамічнай дапамогі Кітая. Як заявіў Аляксандр Лукашэнка, будаўніцтва такіх спартыўных аб'ектаў з'яўляецца беспрэцэдэнтным і павінна стаць прыкладам для іншых праектаў, якія плануецца рэалізаваць у будучыні. Кіраўнік дзяржавы адзначыў, што вельмі важна стварыць усе неабходныя ўмовы, каб пабудаваць басейн і стадыён у самыя кароткія тэрміны, на належным узроўні і па міжнародных стандартах. Кітайскі бок гатовы пачаць будаўніцтва ў першай палове наступнага года.