Фота: belta.by
У Беларусі ўпершыню пройдзе велатыдзень. Ён стартуе 11-12 мая міжнароднымі спаборніцтвамі па веласіпедным спорце на шашы "Кубак Мінска" і "Гран-пры Мінска". Спаборніцтвы, у якіх за перамогу будуць змагацца больш за 150 спартсменаў з 15 краін, стануць тэсціраваннем велапраграмы II Еўрапейскіх гульняў.
Акрамя таго, сёлета пяцігоддзе адзначыць мінскі велакарнавал "Viva ровар!". Ён адбудзецца 18 мая: калона яркіх веласіпедыстаў у арыгінальных вобразах стартуе ля стэлы "Мінск – горад-герой".